Ein kveld med film og lokal ost i fokus!
I den frodige Juradalen i Frankrike lever 18 år gamle Totone livet som andre tenåringar; heng med kompisane – mekkar, sjekkar, drikk og festar. Men når han plutseleg må ta ansvar for den sju år gamle syster si, blir livet snudd på hovudet. Han har ikkje noko plan for fremtida, men får jobb på eit tradisjonelt Comté-ysteri, der han må lære seg både yste-handverket og gardslivet.
Ei ny drivkraft blir vekt - han bestemmer seg for å lage en Comté-ost som er god nok til å vinne den prestisjefylte årlege landbrukskonkurransen! Med ein fristande pengepremie i sikte, må Totone navigere både utfordringar i ysteriet, eit gryande forhold til den unge bonden Marie-Lise og forventningane frå dei erfarne bøndene rundt han.
Med varme og humor skildrar "Den grønne dalen" kvardagen på den franske landsbygda, og kombinerer sjarm og fransk bondekultur med ei rørande forteljing om personleg utvikling, ansvar og tradisjonar.
Dette er debutfilmen til regissør Louise Courvoisier. Ho kjem frå Jura, kjenner lokal sed og skikk, og legg ikkje skjul på sin kjærleik til regionen!
Etter filmvisninga har du garantert lyst på ost!
Og i salongen etter fimvisninga får me besøk av Wilma Zweerts, som driv med geit og osteproduksjon i Nome. Wilma vil presentere ostane sine, og har med smaksprøver og ost for salg.
For å markere at dette er filmsalong nummer 100, vil det også vera anledning til å kjøpe vin.
Kinosjef Anita vil oppsummere filmsalongens liv så langt – og avsløre kven av dei 99 filmane som er vist, som er publikumsfavoritten!
Me set pris på om du går inn på linken under og merker av dine favorittar – det kan bli kinobillettar i premie!
https://docs.google.com/.../1FAIpQLScqXB834Gv.../viewform...
Velkomne til filmsalong nr. 100!