CC 150,- (100,- for studentar)
Filmvisning: 18.30
Lett servering inkludert

"Coup de chance - Et lykketreff" er eit trekantdrama med både komedie og spenning. Woody Allens nyeste film (hans film nummer 50!, og den første på fransk) er ei lettbeint, fengslande, litt alvorleg og infam forviklingskomedie, som utforskar kjærleik, drap og moralsk kompleksitet.
Handlinga går føre seg blant den sofistikerte overklassen i Paris. Filmen følgjer historia om Fanny, spelt av den fabelaktige Lou de Laâge, som er fanga i et nett av kjærleik og utroskap - med uventa konsekvensar. Den lette komedien har ei herleg spennvidde, og historia tek mørke vendingar som vil overraske de fleste.
Tittelen illustrerer temaet som gjennomsyrer filmen, nemleg spørsmålet om kor stor rolle flaks spelar i livet, og filmen beviser at den 88 år gamle regissøren framleis er ein mester i historieforteljing!

I salongen etter filmvisninga, får me besøk av redaktør i filmmagasinet Montages, Lars Ole Kristiansen, som skal snakke om Woody Allen som filmskapar.

Enkel servering inngår i billetten.
Alle er velkomne!