Gå på Forskarkafé under Forskingsdagane! Her får du spennande innblikk i forsking, formidla på ein måte som er forståeleg for folk flest.

Arrangementet er i samarbeid med Tekna og Nito.

Det er gratis og ein del avForskingsdagane 2025 ved USN

Hovudtema for dagen er tryggleik. Arrangementet er gratis og opent for alle.

Flåttforskar og professor Andrew Jenkins gir ei oversikt over livet til flåtten, dei smittestoffa ho ber på og kva ein kan gjere for å unngå henne.

• Kvifor er flåtten smitteberar?
• Kor farleg er den? 
• Korleis unngår vi den?

Flåtten lever utelukkande av blod som han syg frå ulike dyr. Den er avhengig av dette blodmåltidet for å vidareutvikle seg til neste stadium i livssyklusen, men smittestoff kan følgje med og dermed bli overført til den neste verten til flåtten. 

Foredrag ved Mathias Henriksen, førsteamanuensis på USN Porsgrunn. 

Det meste av moderne elektriske einingar eller el-motoriserte einingar bruker litium-ion-batteri som energikjelde. Alt frå små elektronikk som mobiltelefonar, nettbrett til elektriske personbilar og ferjer. Når litium-ion batteri blir skadde, misbrukte eller har produksjonsdefektar, kan det byrje å produsere giftig og brennbar gass. Denne prosessen er ofte veldig kraftig og rask, og kan derfor fort få store konsekvensar. 

Foredrag ved Ole Magnus Brastein, førsteamanuensis på USN Porsgrunn. KI vil påverke samfunnet på mange måtar. Akkurat korleis utviklinga blir er vanskeleg å seie. I dette foredraget går vi igjennom fleire viktige samfunnsområde og ser på kva betydning KI vil ha innan arbeidsliv, skule, underhaldning, krav til grunnleggjande kompetanse, korleis vi interagerer med datasystem, og kva lover og reguleringar som vil bli viktige framover. Foredraget belyser dei ulike samfunnsområda for å gi ei oversikt over samfunnsutviklinga med KI framover, og kva lover og reguleringar som vil bli viktige.