Bø filmsalong | BLÅ SPOR
tirsdag 10. mar, 18:30 -
Bø kino, Bø
Den brasilianske filmen BLÅ SPOR skildrar ei framtid der eldre menneske blir plassert i avsides koloniar, og mistar retten til å bestemme over eige liv.
77 år gamle Tereza gjer opprør mot dette, og legg ut på ei reise gjennom Amazonas, for å oppleva ein livslang draum. Gjennom ein kombinasjon av dystopi, «coming-of-age» og road movie følgjer publikum reisa til Tereza, som endeleg gjer alt ho har drøymt om – og meir til..
Gjest i salongen er Anne Grimstad Fjeld, som mange kjenner etter at ho budde fleire år i Bø. Ho har ein mangfaldig bakgrunn, blant anna som sangar, tekstforfattar, journalist, musikklærar og universitetslektor i pedagogikk.
Som Tereza nektar også Anne å godta begrensingane som alder og helse kan gi. Ho vil fortelja om sine strategiar for å leva med den uvissa som kreft fører med seg, og kommentere filmen ut frå eigne erfaringar.
Filmen blir vist i Storsalen. I Framstugo etter filmen blir det møte med kveldens gjest, og lett servering (inkludert i billetten).
Velkomne!
