Bø filmsalong // SAU - med regissør Rebekka Nystabakk
tirsdag 4. jun, 18:30 - 21:00
Gullbring Kulturanlegg, Bø
SAU er ein hjartevarm feel good-film om ein måte å drive gard på, som blir meir og meir sjeldan.
Filmen er eit nært og varmt portrett av ein familie, der dottera Rakel skal ta over gardsdrifta. «Man skal aldri ha flere dyr enn at man har tid til å se hver av dem i øynene hver dag. Bare da kan du være sikker på at alle har det bra», seier far og sauebonde Terje. No skal småbruket i Nordland skifte eigar. Det handlar om store livsvalg, om tradisjon og overlevering av kunnskap, om å finne sin eigen veg i andres fotspor. Og det handlar om sau.
Gjest i salongen er regissør Rebekka Nystabakk, som vaks opp på garden Nystabakkan i Nordland, og karakterane me møter i filmen er hennar eigen familie. Rebekka jobbar som skodespelar og med å skrive, utvikle og regissere idear til film og teater. Dette er hennar første film som regissør.
Lett servering er som alltid inkludert i billetten. Velkomne til ein flott sesongavslutning i filmsalongen!
