Du får prøve å skrive med penn og blekk og lære om ulike skrifttyper innan vestleg skrivekunst.
Tema for kvelden: Introduksjon av utstyr og innføring i italicskrifta.
Pris: kr 300 pr.kveld som inkluderer instruksjon og mønsterark.
Papir, blekk og anna utstyr du brukar på kurset får du kjøpt i butikken.
Mågruppe: Alle
Påmelding: Heidi i bokhandelen
Opplegg: Borghild Telnes og Heidi Kjellsen Bærland

Borghild Telnes er kalligraf og kunstnar og har drive Firingan Kalligrafi i Seljord sidan 1998 (verksemda skifta i 2022 namn til Borghild Telnes) Ho har utdanning innan kalligrafi og arbeider med skrift i kombinasjon med teknikkar som handsaum, trådteknikkar, illustrasjon og trykk av ulike slag. Verktøya ho brukar er penn, pensel, nål og kniv.
Borghild seier om arbeidet sitt: «Vegen fram til ferdig produkt er det viktigaste for meg og den langsame prosessen i det å utføre eit handverk er avgjerande. Eg ser parallellar mellom pennen og nåla. Sting og strøk arbeider saman i ein repetitiv prosess i arbeida mine. Motiva er ofte henta frå naturen tett ved der eg bur: skogen, treet, lauvet, bekken, steinen, fjellet, fuglen, vegen osb.»
Borghild Telnes arbeider med tekst som inspirasjon og tolkar dette i sitt skrift- og biletspråk. Ho har arbeidd saman med andre handverkarar og kunstnarar i fleire utstillingsprosjekt dei siste 20 åra og har stilt ut arbeida sine på utstillingar i Noreg, England, Russland og Japan. Borghild Telnes har undervist på ei rekke kurs i kalligrafi rundt om i landet.
Heimeside: www.brghildtelnes.com
Instagram: @borghildtelnes
Facebook: Borghild Telnes